Ebufuw Hwɛ Ɔdɔ; Kyir, Okyir iyi so Ebufuw yɛ akoma mu nyɛkyerɛ. Ewuradze tu N’Ahotseweefo fo dɛ wɔnhyɛ hɔn ebufuw do (Matt. 5:22). Eso mma awofo anaa abofra nyeyaw obi wɔ ebusua no mu. Nkyerɛwsɛm mu no, wɔakã no mpɛn pii dɛ ebufuw tse dɛ ogya (2 Ne. 15:25; N&A 1:13). Na Cain no bo fuwii ara yie, na no ntɔn himae, Gen. 4:5. Ewuradze n’ebufunya yɛ nyaa, na n’ehumbɔbɔr sõ, Ndw. 145:8. Nyiano bɔkɔɔ pa ebufuw, Mbɛ. 15:1. Ebufufafo huenyan mansotwe, mbom nyia ɔfa ebufuw nyaa no ɔpata mansotwe, Mbɛ. 15:18 (Mbɛ. 14:29). Me dzin ntsi na mibekyinkyin m’ebufuw, Isa. 48:9. Matserɛw me nsamu ama nkorɔfo a wɔhyɛ me ebufuw daadaa, Isa. 65:2–3. Obiara a ɔbɛpaa w’aso nyimfa mu no, dan kor no so ma no, Matt. 5:39. Hom egyanom, mma hom nnhyɛ hom mba ebufuw, Eph. 6:4. Osiandɛ mekãa nokwar no kyerɛɛ hom no no, hom bo efuw me, Mosiah 13:4. Medze m’ebufuw bɛba hom nkyɛn, Alma 8:29. N’ebufuhyew nnyi obiara do gyedɛ hɔn a wɔnngye nnto mu dɛ ne nsa wɔ biribiara mu no, N&A 59:21. Emi, Ewuradze, mobo fuw emumuyɛfo, N&A 63:32.