Greek kasa mu no, Osuanyi n’asekyerɛ nye “obi a wɔasoma no”. Ɔyɛ dzin bi a Jesus dze too Duebien no a Ɔsaan mu yii hɔn na Ɔhyɛɛ hɔn asɔfo dɛ wɔmbɛyɛ N’esuafo a wɔbɛn no na aboafo wɔ ber a ɔreyɛ Ne nyamedwuma wɔ asaase do no (Luke 6:13; John 15:16). Ɔsomaa hɔn dɛ wongyina N’ananmu, na Ɔafow akɔ sor ekyir no, wondzi dwuma mma No. Tsetseberdo no, nye Asomafo Duebien Quorum a ɔwɔ Asɔr a wɔdze asan aba ndɛ da yi mu no nyina, ɔsomafo yɛ Jesus Christ Ne dasefo soronko wɔ wiadze nyina mu, na ɔno na ɔgye No krɔnkrɔnyɛ na No wusoɛr ho dase (Ndwu. 1:22; N&A 107:23).