Nyimdzee Hwɛ Nokwar; Ntseasee; Nyansa iyi so Ntseasee na tum a wɔdze tse ndzɛmba ase, nkanka dza ɔfa nokwar no ho dɛ mbrɛ Sunsum no kyerɛkyerɛ anaa osi no pi no. Ewuradze yɛ Nyame a ɔwɔ nyimdzee, 1 Sam. 2:3. Ewuradze dzi mu wɔ nyimdzee mu, Job 37:16. Ewuradze ho suro nye nyimdzee n’ahyɛse, Mbɛ. 1:7. Nyia ɔwɔ nyimdzee no na ɔkam ne nsɛm, Mbɛ. 17:27. Ewuradze ho nyimdzee bɛhyɛ asaase do mã, Isa. 11:9 (2 Ne. 21:9; 30:15). Hom afa nyimdzee saafee no, Luke 11:52. Christ no dɔ tra nyimdzee, Eph. 3:19. Hom mfa mbanyinyɛ nkã hom gyedzi ho, na hom mfa nyimdzee nkã mbanyinyɛ ho, 2 Pet. 1:5. Nephi nyaa Nyankopɔn ne papayɛ ho nyimdzee kɛsenara, 1 Ne. 1:1. Wɔbɛba ebenya hɔn Pomfo noho nyimdzee, 2 Ne. 6:11. Atseneneefo benya nyimdzee a odzi mu wɔ hɔn tseneneeyɛ ho, 2 Ne. 9:14. Sunsum no ma nyimdzee, Alma 18:35. Hom nyimdzee dzi mu wɔ dɛm adze no ho, Alma 32:34. Wɔdze Lamanfo no bɛba hɔn Pomfo no nokwar nyimdzee no ho, Hel. 15:13. Hom dze nyimdzee a odzi mu bohu dɛ ofi Nyankopɔn, Moro. 7:15–17. Ahotseweefo no benya nyimdzee mu ehutudze kɛsenara, N&A 89:19. Nyimdzee mapã bɛma ɔkra no enyin, N&A 121:42. Nyia ɔwɔ asɔfodzi krɔnkrɔn ne nsaafee no mmberɛ wɔ nyimdzee nsɛm ne nyaa ho, N&A 128:11. Sɛ nyimpa bi nya nyimdzee wɔ dɛm asetsena yi mu a, ne gyinabew bɔkrɔn asen ɔkor nedze wɔ wiadze a ɔbɛba no mu, N&A 130:19. Wonnkotum agye nyimpa nkwa wɔ no kotooyɛ mu, N&A 131:6.