Nsɛm a Nyame no nkorɔfo krɔnkrɔn akyerɛw na wɔakã ber a Sunsum Krɔnkrɔn ekenyan hɔn no. Kyerɛwsɛm a Asɔr no agye ato mu ndɛ mber yi no yɛ Bible, Matt. 22:29 ; John 5:39 ; 2 Tim. 3:15 ; 2 Pet. 1:20–21 ). Hwɛ Mber a Nsɛm Sisii so wɔ ntaekyir nwoma no mu.
Ana hɛn akoma annhyehye hɛn mu, ber a obuee kyerɛwsɛm no do no, Luke 24:32 .
Hom nhwehwɛ kyerɛwsɛm no mu; osiandɛ hom susu dɛ yinom mu na hom wɔ onnyiewiei nkwa: na aso yinom nye dza wɔgye moho dase, John 5:39 .
Christ ne nsɛm no bɛkã ndzɛmba nyina a ɔsɛ dɛ hom yɛ akyerɛ hom, 2 Ne. 32:3 .
Na dodowara a wɔatwe hɔn aba ma wɔabɛgye kyerɛwsɛm krɔnkrɔn no edzi no si pi na wogyina pintsinn wɔ gyedzi mu, Hel. 15:7–8 .
Nyimpa fom ntsi wɔdandan kyerɛwsɛm no na wɔnntse ase, N&A 10:63 .
Nsɛm yinom mmfi adasa anaa ɔdasanyi biara hɔ, mbom ofi mo hɔ, N&A 18:34–36 .
Mormon Nwoma ne mbae no da edzi kyerɛ wiadze dɛ kyerɛwsɛm no yɛ nokwar, N&A 20:2, 8–12 .
Hom ntu hom mber nsi hɔ mfa nsua kyerɛwsɛm no, N&A 26:1 .
Wɔdze kyerɛwsɛm no mae dɛ wɔmfa nkyerɛkyerɛ Ahotseweefo no, N&A 33:16 .
Wɔdze kyerɛwsɛm no mae ma m’apamufo no eenya nkwagye, N&A 35:20 .
Hom nkyerɛkyerɛ m’asɛmpa ne fapem no, dza ɔwɔ Bible N&A 42:12 .
Me mbra a ɔfa ndzɛmba yinom ho no medze ama wɔ me kyerɛwsɛm mu, N&A 42:28 .
Biribiara a wɔnam Sunsum Krɔnkrɔn ne nkenyan do akã no yɛ kyerɛwsɛm, N&A 68:4 .
Nkyerɛw krɔnkrɔn pii wɔ hɔ a wɔakã ho nsɛm wɔ kyerɛwsɛm no mu a yennyi no ndɛ mber yi, no mu bi nye nwoma yinom na akyerɛwfo yinom: ahyɛmudzi no (Ex. 24:7 ), Ewuradze n’akõdzi (Nka. 21:14 ). Jasher (Josh. 10:13 ; 2 Sam. 1:18 ), Solomon ndwuma (1 Ahem. 11:41 ), Samuel adzehunyi no (1 Mber. 29:29 ), Nathan nkɔnhyɛnyi no (2 Mber. 9:29 ), Shemaiah nkɔnhyɛnyi no (2 Mber. 12:15 ), Iddo nkɔnhyɛnyi no (2 Mber. 13:22 ), Jehu (2 Mber. 20:34 ), adzehufo no nsɛm (2 Mber. 33:19 ), Enoch (Jude 1:14 ), na Zenoch ne nsɛm, Neum, na Zenos (1 Ne. 19:10 ), Zenos (Jacob 5:1 ), Zenock na Ezias (Hel. 8:20 ), na nkaa nwoma (Moses 6:5 ); na nwoma a wɔdze kɛmaa Corinthfo no (1 Cor. 5:9 ), wɔdze kɛmaa Ephesusfo (Eph. 3:3 ), dza ofi Laodicea (Col. 4:16 ), nye dza ofi Jude (Jude 1:3 ).
Kyerɛwsɛm a ɔwɔ dɛ wɔkora do
Ɔwɔ dɛ hɛn nsa kã abakɔsɛm yinom ama yɛakora nsɛm a nkɔnhyɛfo no kãa no do, 1 Ne. 3:19–20 .
Ɔwɔ dɛ mokora mprɛtse yinom do, Jacob 1:3 .
Ɔnam Nyame ne nsa do na wɔdze ndzɛmba yinom esie na wɔakora do, Mosiah 1:5 .
Hwɛ ndzɛmba krɔnkrɔn yinom do yie, Alma 37:47 .
Kyerɛwsɛm no gye moho dase, John 5:39 .
Kyerɛwsɛm nyina wɔnam Nyankopɔn ne nkenyan do dze ma na oye ma nkyerɛkyerɛ na ntsetsee, 2 Tim. 3:15–16 .
Medze kyerɛwsɛm no nyina too hɛnho, ama ɔaayɛ mfaso na esuadze ama hɛn, 1 Ne. 19:23 .
Me kra enyi gye kyerɛwsɛm no ho, 2 Ne. 4:15–16 .
Yesi nketse kyerɛw, dze dandan hɛn mba, na hɛn enuanom so, ma wɔaagye Christ edzi, 2 Ne. 25:23 .
Wɔhwehwɛɛ kyerɛwsɛm no mu, na woenntsie omumuyɛnyi yi ne nsɛm no bio, Jacob 7:23 (Alma 14:1 ).
Sɛ nnyɛ mprɛtse yinom a nkyɛ yɛtse sum mu ruhu amandze, Mosiah 1:2–7 .
Wɔahwehwɛ kyerɛwsɛm no mu enyiberdo, ama woeehu Nyame n’asɛm no, Alma 17:2–3 .
Ɔakora kyerɛwsɛm no do ama ɔdze akra aaba nkwagye mu, Alma 37:1–19 (2 Ne. 3:15 ).
Nyankopɔn n’asɛm na obegya nyimpa a ɔwɔ Christ mu kwan, Hel. 3:29 .
Biribiara a wɔnam Sunsum Krɔnkrɔn no do bɛkã no bɛyɛ kyerɛwsɛm na Nyankopɔn no tum a ɔdze kɔ nkwagye mu, N&A 68:4 .
Hom ntsintsim me kyerɛwsɛm ne mãhyɛ no mfa nkyekyer m’Asɔr na wɔmfa nsiesie mo nkorɔfo, N&A 104:58–59 .
Kyerɛwsɛm no a wɔhyɛɛ ho nkɔm dɛ ɔbɛba no
Nwoma binom so bɛba, 1 Ne. 13:39 .
Onnyi dɛ hom susu dɛ me nsɛm nyina wɔ Bible 2 Ne. 29:10–14 .
Hom nsuo Christ n’asɛmpa no mu yie, dza wɔdze robɔto hom enyim wɔ abakɔsɛm a ɔbɛba no mu, Morm. 7:8–9 .
Nhyira nkã nyia ɔdze adze yi bopue kan mu, Morm. 8:16 .
Kyerɛw ndzɛmba yinom na mibeyi akyerɛ wɔ me mber ano, Ether 3:27 (Ether 4:7 ).