Ayamuyie Hwɛ Ayamuhyehye; Ɔdɔ; Ɔsom; Yieyɛ iyi so Christ no dɔ mapa (Moro. 7:47); Ɔdɔ a Christ wɔ ma adasamba nye dza adasamba wɔ dɛ wonya ma hɔnho nkorkor (2 Ne. 26:30; 33:7–9; Ether 12:33–34); ɔdɔ a ɔkrɔn kɛse, ɔyɛ nwanwa, ɔdɔ a ɔyɛ dzen, na nnyɛ ɔpɛ ara. Nyimdzee horan, mbom ɔdɔ tow do, 1 Cor. 8:1. Ɔdɔ mapa sõ kyɛn biribiara na ɔbɔ adze nyinara do, 1 Cor. 13. Mbrasɛm n’ewiei nye ɔdɔ a ofi akoma a no mu tsew mu, 1 Tim. 1:5. Hom mfa ɔdɔ mapa nka enuadɔ ho, 2 Pet. 1:7. Ewuradze ahyɛ mbra dɛ ɔwɔ dɛ nyimpa nyinara nya ayamuyie, 2 Ne. 26:30 (Moro. 7:44–47). Hom nhwɛ dɛ hom wɔ gyedzi, enyidado na ayamuyie, Alma 7:24. Ɔdɔ a Ewuradze wɔ ma adasa yɛ ayamuyie, Ether 12:33–34. Sɛ adasa ennya ayamuyie a wonnkotum enya bea a woesiesie wɔ Egya ne tsenabew hɔ no, Ether 12:34 (Moro. 10:20–21). Moroni kyerɛɛw Mormon ne nsɛm a ɔfa gyedzi, enyidado, na ayamuyie ho no, Moro. 7. Ayamuyie ma nyimpa fata dɛ ɔyɛ Ewuradze n’edwuma, N&A 4:5–6 (N&A 12:8). Hom mfa ayamuyie mmfura homho, N&A 88:125. Ma ayamuyie nhyɛ w’ayamudze mu mã, N&A 121:45.