Solomon Hwɛ Bathsheba; David iyi so Ahyɛmu Dadaw mu no, David nye Bathsheba hɔn babanyin (2 Sam. 12:24). Solomon yɛɛ Israelhen mber bi. David bɔɔ Solomon ne dzin dɛ obedzi ɔhen, 1 Ahem. 1:11–53. David hyɛɛ Solomon mbra dɛ ɔnantsew Ewuradze n’akwan mu, 1 Ahem. 2:1–9. Ewuradze bɔɔ no anohoba dɛ obenya ntseasee akoma, 1 Ahem. 3:5–15. Odzii enãnom beenu hɔn ntamu asɛm na ohun ɔba no nankasa ne nã, 1 Ahem. 3:16–28. Obubuu mbɛ na ɔtoow ndwom, 1 Ahem. 4:32. Osii temple no, 1 Ahem. 6; 7:13–51. Otuu temple no hyɛɛ Nyame nsa, 1 Ahem. 8. Ɔhembaa a ofi Sheba bɛseraa no, 1 Ahem. 10:1–13. Solomon waar yernom a wɔnnyɛ Israelmba, na ne yernom no daan n’akoma kɔr ator abosomsɔr do, 1 Ahem. 11:1–8. Ewuradze no bo fuuw Solomon, 1 Ahem. 11:9–13. Owui, 1 Ahem. 11:43. David hyɛɛ nkɔm wɔ enyimnyam, a ɔbɛba Solomon n’ahendzi mu ho, Ndw. 72. Solomon nyaa yernom na nweweefo pii, mbom hɔn mu binom no, Ewuradze n’enyi anngye ho, N&A 132:38 (Jacob 2:24).