Mbrasɛm, Du no

Mbra du a Nyankopɔn dze duaa Moses do dze maa dɛ wɔnhwɛ ho mfa mbɔ bra pa.

Hebrew dzin a wɔdze maa iyi nye “Nsɛmfua Du”. Wɔfrɛ no Ahyɛmu so (Deut. 9:9) anaadɛ Dase (Ex. 25:21; 32:15). Mbrasɛm Du no a Nyankopɔn dze maa Moses, ma no so dze maa Israelmba no, wɔakyerɛkyerɛ mu wɔ Ex. 19:9–20:23; 32:15–19; 34:1. Mbrasɛm no wokrukyee no wɔ abopon ebien do, na wɔdze too Adaka no mu; dɛm ntsi na wɔfrɛɛ Adaka no Ahyɛmu Adaka (Nka. 10:33). Ewuradze nam dza wɔakyerɛw wɔ Deut. 6:4–5 na Lev. 19:18 no do abɔ Mbra Du no tɔw ma wɔabɛyɛ “mbra akɛse ebien” (Matt. 22:37–39).

Wɔakã Mbra Du no ho asɛm bio wɔ da a odzi ekyir nyikyerɛ mu (JSN, Ex. 34:1–2, 14 [Ntaekyir Nwoma]; Mosiah 12:32–37; 13:12–24; N&A 42:18–28; 59:5–13).