Ifireimi
    Footnotes
    Theme

    Ifireimi

    Ena veiyalayalati Makawa, na ikarua ni luvedrau ko Josefa kei Asenaca (iVakate. 41:50–52; 46:20). E veisaqasaqa kei na ivalavala vakavanua, na nona taura na veivakalougatataki ni dodonu vakaulumatua ko Ifireimi ka sega ni o Manasa, o koya e qase cake (iVakate. 48:17–20). A yaco ko Ifireimi me tamadra na yavusa i Ifireimi.

    Na yavusa i Ifireimi

    A soli vei Ifireimi na dodonu ni itutu vakaulumatua e Isireli (1 Vei. 5:1–2; Jere. 31:9). Ena otioti ni gauna sa nodra galala ka nodra itavi me ra ciqoma na matabete, kauta na itukutuku ni kosipeli vakalesui mai ki vuravura, ka vakarewataka na itawake me ra vakasoqoni vata na Isireli era sa veiseyaki tu (Ais. 11:12–13; 2 Nif. 21:12–13). O ira na kawa i Ifireimi era na vakaisalataki ira ena lagilagi o ira mai na veimatanitu ena vualiku era na lesu mai ena veisiga e muri (V&V 133:26–34).

    Na ititoko i Ifireimi se ko Josefa

    Na kedra ivolatukutuku e dua na ilawalawa mai na yavusa i Ifireimi ka ra a kau mai Jerusalemi ki Amerika rauta na 600 B.K. Na kedra ivolatukutuku na ilawalawa oqo e vakatokai me ititoko i Ifireimi se o Josefa, se na iVola i Momani. Oqori kei na ititoko i Juta (na iVolatabu) erau duavata ena kena vakadinadinataki na Turaga ko Jisu Karisito, na Nona Tucake tale, kei na Nona cakacaka vakalou ena kedra maliwa na iwase e rua oqo ni mataqali i Isireli.