Aberaam

Natin Tera te mwaane, e bungiaki i Ura ae abaia I-Kareria (KB 11:26, 31; 17:5). Ana burabeti te Uea are e karaoa ma ngaia te Uea te berita ae tabu ae akea tokina, are rinanona a na bane botanaomata n te aonaba ni kakabwaiaaki. Aberaam bon moan arana Aberam.

Nako ni maeka i Aran, ike e mate iai Tera, KB 11:31–32 (Abe. 2:1–5).
E weteaki iroun te Atua bwa e na mwananga nako Kanaan ao ni karekea te berita ae tabu mai iroun te Atua, KB 12:1–8 (Abe. 2:4, 15–17).
Mwananga nako Aikubita, KB 12:9–20 (Abe. 2:21–25).
Maeka i Eberon, KB 13:18.
E kamaiua Rota, KB 14:1–16.
Kaitibo ma Merekitereka, KB 14:18–20.
Aka e bungia natina te mwaane ae Itimaera, KB 16:15–16.
E bitaki arana nakon Aberaam, KB 17:5.
Te Uea e tuanga Aberaam ao Tara bwa e na reke natia te mwaane, KB 17:15–22; 18:1–14.
Tara e bungia natina te mwaane ae Itaaka, KB 21:2–3.
E tuangaki bwa e na kareana Itaaka, KB 22:1–18.
E mate Taara ao e taunaki, KB 23:1–2, 19.
E mate Aberaam ao e taunaki, KB 25:8–10.

Ana boki Aberaam

Rongorongo n taai ake ngkoa aika koreaki iroun Aberaam a reke bwa ana bwai te Ekaretia n 1835. Taian rongorongo ao tabeman maate aika kabiraki ao a niniraki a kuneaki i Aikubita n taian tabo ni mate i aantano iroun Antonio Lebolo, are e kaburei nakon Michael Chandler. Chandler e kamataku iai n te United States n te 1835. Tabeman raon Iotebwa Timiti a kabooi mai iroun Chandler ao angan te Burabeti, are e rairi. Tebeua man rongorongo aikai a kuneaki n Te Bwaeao ae Bati Bona.

Mwakoro 1 e taui mwin bwaai ake e rinanona Aberaam i Ura irouia I-Kareria, ike ibonga aika buakaka a kataia n anga ngaia bwa te karea. Mwakoro 2 e taekina mwanangana nako Kanaan. E kaoti te Uea nakoina ao e karaoa te berita ae tabu ma ngaia. Mwakoro 3 e taua mwiin are e noora te aonaba Aberaam ao e noori reitaki imarenan bwain karawa. Mwakoro 4–5 bon rongorongo riki teuana ibukin te Karikibwai.

Kanoan Aberaam

Aomata ake, man te ongeaba nakon tua ao otenanti n ana euangkerio Iesu Kristo, a karekei berita ao berita aika tabu ake e karaoi te Atua nakon Aberaam. Mwaane ao aine a kona ni karekei kakabwaia aikai ngkana bon kanoan raoi rikin Aberaam ke ngkana a natinaki nakon ana utu man butimwaean te euangkerio ao a bwabetitoaki (Kara. 3:26–29; 4:1–7; R&B 84:33–34; 103:17; 132:30–32; Abe. 2:9–11). Kanoan raoi Aberaam a kona ni kabuai aia kakabwaia man te aki ongeaba (Rom 4:13; 9:6–8).