I-Karatia, Reta nakoia

Te boki teuana n te Nu Tetemanti. Oina raoi bon te reta are e koroia te Abotoro ae Bauro nakoia Aomata aika Itiaki ake a maeka i Karatia ni kabuta. Te boto ni iango n te reta aio bwa te inaomata ni koaua e kona ni kuneaki ti man maiuakinan ana euangkerio Iesu Kristo. Ngkana Aomata aika Itiaki a kabonganai aia reirei Kiritian ake Iutaia ake a kairoroa kawakinan ana tua Mote, a na bon tiatiana ke ni kamauna te inaomata are a tia ni kunea iroun Kristo. N ana reta Bauro e kaota oin nakoana ae te Abotoro, e kabwarabwarai reirei ibukin te raoiroi n te onimaki, ao ni kamatoa kakawakin te aro ibukin te maiu n tamnei.

Ni mwakoro 1 ao 2, Bauro e kaota nanokawakina n te rongorongo are e karekea ibukin kitanan te koaua i buakoia I-Karatia ao e kamatata nena i buakoia Abotoro. Mwakoro 3 ao 4 e maroroakin reirei ibukin te onimaki ao mwakuri. Mwakoro 5 ao 6 kanoana bon te kabwarabwara i aon mwiin mwakurian reirei ibukin te onimaki.