Iotebwa, Buun Maria

Buun Maria, tinan Iesu. Iotebwa bon kanoan Tawita (Mat. 1:1–16; Ruka 3:23–38) ao e maeka i Natareta. E kainrouaki nakon Maria. I mwain raoi aia mare, Maria e kawaraki iroun te anera are Kabiriera, are katanoata bwa Maria e a tia n rineaki bwa e na riki bwa tinan te Tia Kamaiu (Ruka 1:26–35). Iotebwa e karekea naba te kaotioti ibukin bungiakin te Atua aei (Mat. 1:20–25).

Maria bon ti ngaia ana karo Iesu i aon te aba ibukina bwa te Atua te Tama bon taman Iesu. Ma Iutaia a taku bwa Iotebwa bon taman Iesu, ao Iesu e karaoia bwa kanga oin tamana (Ruka 2:48, 51). E kauringaki n taian mi mai karawa, ao Iotebwa e kamanoa maiun te merimeri are Iesu ni birinako nako Aikubita (Mat. 2:13–14). I mwin maten Erote, te anera e tuanga Iotebwa bwa e na kaira te tei are Kristo n oki nako Iteraera (Mat. 2:19–23).