Tuua ao bwai aika kainnanoaki are e anga te Atua nakoia te botanaomata, nakon temanna ma temanna ke ni ikotaki. Kawakinan tuua e na uoti ana kakabwaia te Uea nakoia ake a ongeaba (R&B 130:21 ).
E toua mwiin aron are E tuangnga te Atua ni kabane, KB 6:22 .
Tou mwiin au tua, ma ni kawakin au taeka, NI 26:3 .
Kaawakin au tua, ao ko na maiu, TRab. 4:4 (TRab. 7:2 ).
N aki kakai kamwaeaki ni kawakinan ana tua, 1Nib. 2:10 .
E na bon aki anga te kaetieti te Uea ma ti ngkana e a tia ni katauraoa te kawai, 1Nib. 3:7 .
N na karaoia n aron ana tua te Atua, Iakob. 2:10 .
Ngkana kam teimatoa ni kaawakin au tua, kam na kakabwaiaki i aon te aba, Iarom 1:9 (Aram. 9:13 ; 50:20 ).
Reireiniko n am tai n ataei bwa ko na kaawakin ana tua te Atua, Aram. 37:35 .
Tuua aikai bon mai irou, R&B 1:24 .
Ukoukori tuua aikai, R&B 1:37 .
Naake aki kaawakin tuua aki kona ni kamaiuaki, R&B 18:46 (R&B 25:15 ; 56:2 ).
Au tua bon bwain te tamnei, tiaki man te aonaba ke bwain te rabwata, R&B 29:35 .
A anganaki tuua bwa aonga n ata ana kantaninga te Uea, R&B 82:8 .
I aki ataia, ma ti ae tuangai te Uea, Mote 5:6 .
Te Uea e na kataiia aomata n noria ngkana a na karaoi bwai ni kabane are e tuangiia, Abe. 3:25 .