Boutoka n te Kamatebwai
Taetaebuaka Te Atua


Taetaebuaka Te Atua

Taekina ae aki karinerine ke kamatauninga ibukin te Atua ke bwaai aika tabu.

Iesu e bukinaki n taai aika mwaiti irouia Iutaia bwa E taekina ae taetaebuaka ibukina bwa E taku bwa iai te kariaiai irouna ni kabwarai buure (Mat. 9:2–3; Ruka 5:20–21), ibukina bwa E aranna bwa Natin te Atua, (Ioane 10:22–36; 19:7), ao ibukina bwa E taku bwa a na nooria n tekateka i angatain te mwaaka ao E na roko n nangin karawa (Mat. 26:64–65). Bukibuki aikai a na bon koaua ngke arona bwa tiaki Ngaia baike E taekin. Te bukibuki are e bukinaki iai irouia taan kakoaua aika kewe ngke E bowiaki i matan te Tanirim (Mat. 26:59–61) bon taetaebuakakin maneaban te Atua. Taetaebuakakin te Tamnei ae Raoiroi, are bon kaakean Kristo ma nanom raoi i mwin karekean te atatai ae kororaoi ibukina, bon te bure ae aki kona ni bwara (Mat. 12:31–32; Mar. 3:28–29; R&B 132:27).