Ita

Te boki n Ana Boki Moomon are kanoana mwakoron rongorongoia Iaretaite. Iaretaite bon te koraki n aomata ake a maeka n aonon te aonaba ake mai maeao n tienture aika bati i mwain ana botanaomata Riaai. Ana boki Ita e anaki man bwaatua aika uabwi ma aua ake a kuneaki irouia ana aomata Rimwaai (Mot. 8:8–9).

Mwakoro 1–2 a taekina aroia Iaretaite ngke a kitani mwengaia n tain te Taua are Bwabera ao a moana mwanangaia nakon are e ataki ngkai bwa aban America. Mwakoro 3–6 a kabwarabwara bwa tarin Iareta e nora Te Tia Kamaiu n te maiu i mwain te maiu aei ao bwa Iaretaite a mwananga i nanon waniua bwaati. Mwakoro 7–11 a reita rongorongon buakakaia are taonanako angin rongorongoia ngkoa Iaretaite. Moronaai, are e rinanon ana rongorongo Ita, e korea i nanon mwakoro 12–13 kamimi ake a karaoaki man te onimake ao iroun Kristo ao Ierutarem ae Boou ae e na roko. Mwakoro 14–15 a taekina aroia Iaretaite n riki bwa te botanaomata ae moan te korakora ma a kamaunaaki n te buaka n te aba ibukin te buakaka.