Kariraia
N taai ake ngkoa ao n taai aikai, te mwakoro i Iteraera are te kabanea mai meang i maeaon te Karanga are Ioretan ao Naman Kariraia. Kariraia e kaniia onobwi te maire (ruabwi ma itiua te kiromita) abwakina ao tenibwi te maire (abwi ma waniua te kiromita) atana. Ngkoa, a mena iai aba aika kabanea n tamaroa ao kaawa aika bati te kakamwakuri iai i Iteraera. Kawai aika kakawaki ake a kaineti nako Tamateko, Aikubita, ao Iteraera maeao a rinanon Kariraia. Kanoan boong a rang n tamaroa ao tanona ae maiureirei e karekei uaan oriwa aika korakora, te wiita, bwaare, ao kurebe. Te Akawa n Naman Kariaia e karekea te iokinibwai aika korakora ao oin reken te kaubwai ae korakora. Te Tia Kamaiu e kabanea Ana tai ae mwaiti i Kariraia.
Naman Kariraia
Naman Kariraia e mena i Iteraera mai meang. E aranaki naba bwa te Nama are Kinnereta n te O Tetemanti ao te Nama are Kennetareta ke Tiberia n te Nu Tetemanti. Iesu e taekin ana kabwarabwara aika mwaiti ikekei (Mat. 13:2). Te nama bon tein te bea, 12.5 maire (20 kilomita) anauna ao 7.5 te maire (12 kiromita) rababana n tabona are te kabanea n rababa. E mena 680 te buuti (207 mita) i an tian taari, are e aki toki ni karika te ang are e katotobia bwa e na kabuebue. Te ang ae mwaitoro e biri rikaki man taian tabuki ao e kaitibo ma te ang ae kabuebue i etan te ran e aki toki n kariki angibuaka (Ruka 8:22–24).