Te weteaki iroun te Atua bon karekean te rinerine nakon te nakoa ke te kakao mai irouna ke Ana taan kairiiri n te Ekaretia are a kariaiakaki bwa a na beku ibukina n te waaki ae onoti.
E katokai baina i aona ao e anganna nakoana, WI 27:23 .
I katabuko bwa te burabeti, Iere. 1:5 .
I a tia n rineiko ao ni katabuko, Ioane 15:16 .
Bauro e weteaki bwa e na riki bwa te Abotoro, Rom 1:1 .
Akea temanna ae anaa te karineaki aei i bon ibukina, ma ti are weteaki iroun te Atua, Ebe. 5:4 .
Iesu e weteaki iroun te Atua n ai aron Merekitereka, Ebe. 5:10 .
I a tia ni weteaki bwa N na tataekina ana taeka te Atua ni kaineti ma tamnein te kaotioti ao te taeka ni burabeti, Aram. 8:24 .
Ibonga a weteaki man katauraoaki man moan tein te aonaba, Aram. 13:3 .
Ngkana iai nanomi ni kan beku iroun te Atua, kam a weteaki, R&B 4:3 .
Tei ni matoatoa n te mwakuri are I a tia ni weteiko nako iai, R&B 9:14 .
Ko na tai taku bwa ko weteaki bwa ko na kabwarabwara ni karokoa ko na bon weteaki, R&B 11:15 .
Unimwaane a weteaki bwa a na kakoroa bukin ikoikotaia naake a tia ni weteaki, R&B 29:7 .
Akea ae e na tataekina au euangkerio ke ni karikirakea au ekaretia tii ngkana e katabuaki, R&B 42:11 .
A mwaiti aika weteaki, ma a karako aika rineaki, R&B 121:34 .