Tembora, Umwan te Uea

Etina raoi bwa umwan te Uea. Te Uea e aki toki n tuangiia Ana aomata bwa a na katei taian tembora, kateitei aika tabu ike a kona ni karaoi iai mwakuri aika tabu ao otenanti n te euangkerio Aomata aika Itiaki aika tau i bon ibukiia ao ibukiia maate. Te Uea e kakawari Ana tembora, ao bon tenaan kabanea n tabu mai i buakon taabo n nebonebo.

Te umwa are e kateaki iroun Mote ao tibun Iteraea bon tembora aika uouotaki. I-Iteraera a kabongana n aia tai n otinako mai Aikubita.

Te tembora ae te kabanea ni kinaaki ae taekinaki n te O Tetemanti e kateaki iroun Toromon i Ierutarem (2Rong. 2–5). E urukaki n 587 I.K. irouia I-Bwaburonia ao e kania itibwi te ririki i mwina ngke e manga kateaki iroun Terubabera (Etira 1–6). Mwakoron te tembora aio e bue n 37 I.K., ao Erote te Kakannato e manga kateia rimwi. I-Rom a uruaka te tembora n 70 N.K.

N Ana Boki Moomon, taan irira te Atua aika raoiroi a kairaki bwa a na katea ao n taromauri i nanon taian tembora (2Nib. 5:16; Mot. 1:18; 3Nib. 11:1). Katean ao kabonganakin te tembora n angana ae riai bon kanikinaean te Ekaretia ae koaua n te mwioko n tararua nako, ni ikotaki ma manga kaokan te Ekaretia n ara bong. Te Kirtland Tembora bon te moan tembora ni kateaki ao ni katabuaki nakon te Uea n te mwioko n tararua aei. Man te tai arei tembora a tia ni katabuaki n aaba aika bati ni kabuta te aonaba.