Te Tina Tara naba Ewa; Kaaro; Te Utu Te ara ae tabu ae kaineti nakon te aine are karikia ke tabekia ataei. Tina a buoka ana babaire te Atua ni katauraoi rabwata aika mamate ibukiia natin te Atua aika tamnei. Atam e atonga aran buuna bwa Ewa, bwa kioina ngke tinaia akana maiu ni kabaneia, KB 3:20 (Mote 4:26). Karinea tamam ma tinam, Otin. 20:12 (Ebeto 6:1–3; Mot. 13:20). Tai kaki ana tua tinam, TRab. 1:8. E riba tinana te aomata ae nanobaba, TRab. 15:20 (TRab. 10:1). Tai riba tinam ngkana e a unaine, TRab. 23:22. A tei rake natina ao buuna ao atongnga bwa e kakabwaiaki ao buuna e kamoamoa, TRab. 31:28. E tei i rarikin ana kaibangaki Iesu tinana, Ioane 19:25–27. Uoua tenga taan buaka aika Reimwanaita a bon tia n reireinaki irouia tinaia, Aram. 56:47 (Aram. 57:21). Tinara Ewa e mimitong e mena i buakoia aika kakannato ao a korakora ake e reireinia te Uea n te aonaba n tamnei, R&B 138:38–39.