Kateiriki

Rongorongon katean te riki n te utu. N taabo ake e karako iai nakoa n te nakoanibonga ke kakabwaia aika onoti nakon te utu teuana, kateiriki ni koroboki aika tabu a bon rang ni kakawaki (KB 5; 10; 25; 46; 1Rong. 1–9; Etira 2:61–62; Neem. 7:63–64; Mat. 1:1–17; Ruka 3:23–38; 1Nib. 3:1–4; 5:14–19; Iarom 1:1–2). N te Ekaretia ae tia ni kaokaki ngkai, kaain te Ekaretia a teimatoa ni kakaei rikin aia utu, n te itera teuana bwa a na kinaia raoi aia bakatibu ake a tia ni mate bwa a aonga n tei ibukiia aia bakatibu ni karaoi otenanti ni kamaiu. Otenanti aikai a manena ibukiia aomata ake a butimwaea ana euangkerio Iesu Kristo n te aonaba n tamnei (R&B 127–128).