Taan Kakoaua ibukin Ana Boki Moomon Tara naba Ana Boki Moomon; Tia Kakoaua Te Uea e tuangia riki tabeman irarikin te Burabeti ae Iotebwa Timiti bwa a na kaota koauan ae Ana Boki Moomon bon mai iroun te Atua (R&B 17; 128:20). Tara aia kakoaua taan kakoaua ake teniman ni “kabwarabwarana” mai moa n Ana Boki Moomon. N aia taeka aika teniman N na katea au taeka, 2Nib. 11:3. Taan kakoaua a na kakoaua ana taeka nakoia natiia aomata, 2Nib. 27:12–13. Ni wiia taan kakoaua aika teniman ao a na kamatoaki bwaai aikai, Ita 5:4. Man te onimaki Taan Kakoaua ake Teniman a na kona n noori bwaatua, R&B 17.