Nibwaai, Natin Riaai

N Ana Boki Moomon, natin Riaai ao Tiera ae raoiroi (1Nib. 1:1–4; 2:5). Nibwaai e korakora ana onimaki n ana taeka te Atua (1Nib. 3:7) ao e riki bwa te burabeti ae korakora, te tia kawakin rongorongo, ao te tia kairiri irouia ana botanaomata.

E ongeaba ao e tataro i nanon te onimaki, 1Nib. 2:16.
E oki nako Ierutarem bwa e na anai bwaatua aika buraati, 1Nib. 3–4.
E oki nako Ierutarem bwa e na kaira Itimaera ma ana utu nakon te rereua, 1Nib. 7.
E karekea te mi ae titebo ma are e karekea Riaai, 1Nib. 10:17–22; 11.
E noora n te mi ni burabeti ana botanaoamta n taai aika a na roko ao manga kaokan te euangkerio, 1Nib. 12–13.
E kabwara nanon te mi ni burabei ibukin te kai ni kamaiu, 1Nib. 15:21–36.
E uruaki ana kai ni katebe ma rinanon te onimaki e kona ni karekea te amwarake, 1Nib. 16:18–32.
E kaba te kaibuke ao e mwananga nakon te aba ni berita, 1Nib. 17–18.
Nibwaite ao Reimwanaite a maenako, 2Nib. 5.
E kaota ana koaua te kabanea n tai, 2Nib. 33.

Te boki ae te 1Nibwaai

Mwakoro 1 nakon 18:8 e tabe riki ma te burabeti ae Riaai ao ana utu ngke a kitana Ierutarem. A mwananga rinanon rereua aika akea kain aona ni karokoa a roko n taari. 1Nibwaai 18:9–23 e taekina mwanangaia nakon te aba ni berita, n aron kaetieti mai iroun te Uea, e ngae ngke a kaitara Reimwan ao Remuera. Mwakoro 19–22 e taekina bukin kawakinan rongorongo iroun Nibwaai (1Nib. 6; 19:18)—bwa a na anaki nanoia ni kabane bwa a na uringa te Uea are te Tia Kaboia. E anaitaeka man Itaia (1Nib. 20–21) ao e rairi ana rongorongo Itaia, ma te kantaninga bwa aonga ni bane n ata Iesu Kristo bwa aia Tia Kamaiu ao te Tia Kaboia (1Nib. 22:12).

Te boki ae te 2Nibwaai

Mwakoro 1–4 kanoana bon tabeua ana kabanea n reirei ao ana taetae ni burabeti Riaai i mwain matena, ni ikotaki ma kakabwaia i aoia natina ao kanoaia. Mwakoro 5 e kabwarabwara bukin ae a kaokoroia Nibwaite mai irouia Reimwanaite. Nibwaite a katea te tembora, a reirei ana tua Mote, ao a kawakin rongorongo. Mwakoro 6–10 kanoana bon ana taeka Iakobwa, tarin Nibwaai ae uarereke riki. Iakobwa e manga rinanon rongorongon ngkoa Iuta ao e taetae ni burabeti ibukin te Mesia, tabeua a bon anaaki man ana koroboki te burabeti ae Itaia. I nanon mwakoro 11–33 Nibwaai e korea ana koaua ibukin Kristo, ana koaua Iakobwa, taetae ni burabeti ibukin boong aika kaitira, ao mwakoro aika mwaiti man ana boki Itaia n te O Tetemanti.