Iakobo, Tarin te Uea
N te Nu Tetemanti, temanna tarin te Uea (Kara. 1:19) ao Iote, Timon, Iuta, ao tabeman mwaaneia (Mat. 13:55–56; Mar. 6:3; Iuta 1:1). E kinaaki naba bwa Iakobo ae Motiraoi ao e taua te nakoa ae kakawaki n te Ekaretia i Ierutarem (Mwak. 12:17; 15:13; 1Korin. 15:7; Kara. 2:9–12). Tao e korea ana reta Iakobo.
Ana reta Iakobo
Te boki n te Nu Tetemanti. Mai moane bon te reta nakoia ana baronga Iteraera ake tengaun ma uoman ake a kamaeaki n aba tabeua ao te kantaninga bwa e koreaki mai Ierutarem. Kanoan te rete e kamatata n taekin bwai aika i aon mwakurin te aro, ni ikotaki ma kakawakin taeka n reirei ni mwakoro 1 are ngkana akea ana rabakau te aomata, e na butia te Atua buokana (Iakobo 1:5–6; IT—R 1:9–20). Mwakoro 2 e tabe ma te onimaki ao mwakuri. Mwakoro 3–4 e taekina kainnanoan tauan bangin te newe ao e takuia Aomata aika Itiaki bwa a na aki taekina ae buakaka i marenaia. Mwakoro 5 e kaungaia Aomata aika a Itiaiki bwa a na bwaina te taotaonan nano ao a na weteia unimwaane ibukin te kakabwaia ngkana a aoraki; e reirei naba i aon kakabwaia ngkana ko buokia tabeman n rairiia.