Ni kabotauana, Iesu Kristo ao Ana euangkerio, ake bon aan ao boutakana ae matoatoa (R&B 11:24 ; 33:12–13 ). Te Bwa e kona naba ni kaineti nakon te kaotioti, are mai iai te Atua e karaoia bwa e na ataaki Ana euangkerio iroun te aomata (Mat. 16:15–18 ).
Bon te Bwa, a kororaoi ana mwakuri, TK 32:4 .
Bon te Uea au bwa; N na onimakinna, 2Tamu. 22:2–3 .
Tataan te atibu n ae tiaki ni baai, Tani. 2:34–35 .
A kateaki bouana i aon te bwa, Mat. 7:25 (3Nib. 14:25 ).
Iesu Kristo bon te atibu are e kaakeaki bongana iroumi, Mwak. 4:10–11 .
Te atibu arei bon Kristo, 1Korin. 10:1–4 (Otin. 17:6 ).
Are e kateitei i aon te bwa e butimwaea te koaua, 2Nib. 28:28 .
Iutaia a na aki butimwaea te atibu (Kristo) are a kona ni kateitei i aona, Iakob. 4:15–17 .
Bon i aon te bwa are ara Tia Kabomwi are ti riai ni katea iai aara, Erem. 5:12 .
Ane e kateitei i aon ana reirei Kristo e kateitei i aon ana bwa ao e na aki bwaka ngkana e roko te ieka, 3Nib. 11:39–40 (Mat. 7:24–27 ; 3Nib. 18:12–13 ).
Te aomata ae wanawana e katea batana i aon te bwa, 3Nib. 14:24 .
Ngkana ko kateitei i aon au bwa, aonaba ma moone a aki kona n tokanikai, R&B 6:34 .
Ane e kateitei i aon te bwa aei e na bon aki bwaka, R&B 50:44 .