Teniman Reirei aika Nibwaite

Teniman reirei aika Nibwaite ake a rineaki iroun Kristo are a taekinaki n Ana Boki Moomon.

Te Uea e angania reirei aikai te kakabwaia ae titebo ma are e angan Ioane te Tatangiraki—bwa aonga n tiku i aon te aonaba ao ni uotia aomata nakon Kristo ni karokoa e manga oki te Uea. A bon onikaki bwa aonga n aki namakina te maraki ao a na aki mamate (3Nib. 28).

Kristo e angania reirei ake teniman are a tangiria ni kan tiku ni karokoa manga okina, 3Nib. 28:1–9.
A na aki rinanon marakin te mate ke te nanokawaki, 3Nib. 28:7–9.
E na reke iroumi bwaninin te kimwareirei, 3Nib. 28:10.
A tabekaki rake nako karawa i nanon te tai ae aki maan, 3Nib. 28:13–17.
A karaoi mwakuri ni ibuobuoki nakoia aomata ao a teimatoa rinanon te bwainikirinaki, 3Nib. 28:18–23.
A karaoi mwakuri ni ibuobuoki nakon Moomon, 3Nib. 28:24–26 (Moom. 8:10–11).
A na karaoa te mwakuri ni ibuobuoki nakoia Tientaire, Iutaia, baronga ake a maenako, ao botanaomata ni kabane, 3Nib. 28:27–29.
Akea mwaakan Tatan i aoia, 3Nib. 28:39.