Katabuaki i mwaain Bungiakina Tara naba Maiu i mwain te Maiu n Rabwata Te Atua e katabuia i mwain te maiu n rabwata natina tamnei aika ninikoria bwa a na kakoroi nanon mition aika onoti i nanon aia tai ni maiu n rabwata. Te Atua e bairei tian abaia botanaomata, TK 32:8. Ngke I tuai karikiko i nanon te birito I tabuiko bwa te burabeti, Iere. 1:5. Te Atua e bairei aia tai ake a motikaki, Mwak. 17:26. Bwa ake E ataia rimoa, ao E motiki bukiia naba rimoa, Rom 8:28–30. E rineira iroun Kristo ngke e tuai ni karikaki aonaba, Ebeto 1:3–4. Iesu Kristo e katabuaki ma ngkoa ngkoa bwa ngaia te Tia Kabooira, 1Bet. 1:19–20 (Kaoti. 13:8). A weteaki ma ni katauraoaki man moan tein te aonaba, Aram. 13:1–9. I nooriia tooka ao ake a kakannato ake a rineaki n te moan tai, R&B 138:55–56. Natiu ae Tangiraki e rineaki man te moan tai, Mote 4:2. Aberaam e rineaki i mwain bungiakina, Abe. 3:23.