Koroboki aika tabu a taekini tamnei n aanga aika teniua: (1) rabwata aika tamnei, n te maiu i mwain te maiu n rabwata ao n te maiu i mwin te maiu n rabwata (Aram. 40:11–14; Abe. 3:23); (2) te tamnei ma te rabwata a ikotaki n te maiu n rabwata (R&B 88:15; Abe. 5:7); ao (3) te rabwata ae aki mamate, te aomata ae aki mamate, te aomata ae mangauti are Tamneina ao rabwatana a tia n riki n reitaki matoa (2Nib. 9:13; R&B 88:15–16).
Kakawakia aomata
Ni kabane aomata bon natin te Atua aika tamnei. E tabeakinia natina n tatabemania ao E taraia n tatabemania bwa a kakawaki. Ibukina bwa bon natina, iai irouia te konabwai n riki n ai arona. Ngaia are, a bon korakora kakawakiia.