Aturia

Ueani ngkoa are, ma aiana are Bwaburon, a tautaekana angiin mwakoro aban ngkoa Turia ao Bwaretain i nanon angiin bongin te O Tetemanti. E ngae ngke kaain Aturia bon ngaia oin te mwaaka man nukan te ka-12 n tienture I.K. ni karokoa te ka-7 n tienture I.K., a bon aki kona ni katea rabwatan te tautaeka ae teimatoa. A tautaeka n te kakamaaku, n uruaniia aiaia n te ai ao te kabang ke n anaa korakoraia man kamwaingaia mwakoron aia botanaomata ae korakora nakon taabo tabeua ni ueaia. Aomata ake a mena i an ana tautaeka Turia a teimatoa ni buaka in kaitara ueaia. (Taraa 2Uea 18–19; 2Rong. 32; Itaia 7:17–20; 10; 19; 37.)