Aine Tara naba Taari, Tarina; Tariu, Mwaaneu; Te Aomata, Aomata Te aine ae ikawai, natin te Atua te aine. Te taeka ae Aine n tabetai e kabonganaki ni koroboki aika tabu bwa te ara ni karinerine (Ioane 19:26; Aram. 19:10). Te Atua e karikia bwa te aine ao te mwaane, KB 1:27 (Mote 2:27; 6:9; Abe. 4:27). Te aine ae riai e bati riki boona nakoni momi, TRab. 31:10–31. Te aine neboan te mwaane, 1Korin. 11:7. Akea te mwaane ngkana akea te aine, ao akea naba te aine ngkana akea te mwaane, i nanon te Uea, 1Korin. 11:11. Aine a na kunnikainia n te kunnikai ae riai, 1Tim. 2:9–10. Ngai, te Uea ae te Atua, e kukurei nanou n itiakiia aine, Iakob. 2:28. A kabwaraaki am bure, ao ngkoe te aine ae ko rineaki, R&B 25:3. Iai inaomataia aine ni karekea maiuia mai irouia buuia, R&B 83:2.