Moan Kaotioti

Kaotin te Atua te Tama ao Natina ae Iesu Kristo nakon te Burabeti ae Iotebwa Timiti n te buakonikai.

N tain bwebwe raken aroka n te ririki 1820, Iotebwa Timiti te Ataei, e a tokara ana katebwi ma nimaua n ririki. E maeka ma ana utu n te kaawa ae Palmyra, New York. Ni uakaan i maeon mwengan ana utu ao bon iai te buakonikai. Iotebwa e nakon te tabo aei n tataro nakon te Atua bwa e kan ataia bwa enga te ekaretia ae koaua. E rotaki n ana tai ni wareware n te Baibare bwa e riai ni ukoukora te kaeka mai iroun te Atua (Iakobo 1:5–6). Ni kaekaan ana tataro, te Tama ao te Nati a kaoti nakoina ao a tuangnga bwa akea te ekaretia ae e na kaaina n te tai arei i aon te aba, bwa a bane ni kairua (IT—R 1:15–20). Te bwai ae tabu ae rinanona e moana rikin bwaai ake a na uota manga kaokan te euangkerio ao ana Ekaretia Kristo ae koaua.