Moronaai, Natin Moomon
Te kabanea ni Burabeti ae te Nibwaite n Ana Boki Moomon (n uakaan ma 421 N.K.). I mwain raoi maten Moomon, e anga rongorongon ngkoa ake aranaki bwa ana bwaatua Moomon nakon natina are Moronaai (ATM 1:1). Moronaai e katiaa ikotakin ana bwaatua Moronaai. E karini mwakoro 8 ao 9 nakon ana boki Moomon (Moom. 8:1). E karaoa kakimototoan ao e karina ana boki Ita (Ita 1:1–2) ao e ikotii ma oin ana boki ae aranaki bwa ana boki Moronaai (Moro. 1). E kaini bwaatua ao e karabai n te tabuki are Kumora (Moom. 8:14; Moro. 10:2). N te ririki 1823 Moronaai e kanakoaki ngkai te aomata ae tia ni mangauti bwa e na kaota Ana Boki Moomon nakon Iotebwa Timiti (R&B 27:5; IT—R 1:30–42, 45). E reireina te burabeti ae kairake ni katoa ririki man te 1823 nakon te 1827 (IT—R 1:54) ao n tokina e anganna taian bwaatua n te 1827 (IT—R 1:59). I mwin tian te rairairi ao Iotebwa Timiti e kaoki taian bwaatua nakon Moronaai.
Ana boki Moronaai
Te kabanea ni boki n Ana Boki Moomon. E koreaki iroun te kabanea ni burabeti ae te Nibwaite, ae Moronaai. Mwakoro 1–3 kabanean kamaunakiia Nibwaite, n anga kaetieti n anga te Tamnei ae Raoiroi ao te Nakoanibonga. Mwakoro 4–5 e kabwarabwara raoi aron karaoan te botaki n toa. Mwakoro 6 e korea kakimototoan ana mwakuri te Ekaretia. Mwakoro 7–8 bon kabwarabwara i aon moan tua n te euangkerio, ni ikotaki ma reirei mai iroun Moomon i aon te onimaki, te kaantaninga, ao tangira ae kororaoi te itiaki ao i aon aron ataakin ae raoiroi ao ae buakaka (Moro. 7), ao ana kabwarabwara Moomon are ataei aika uarereka a maiu iroun Kristo ao a aki kainnanoa te bwabetito (Moro. 8). Mwakoro 9 e kabwarabwara rikiraken buakakaia te botanaomata aika Nibwaite. Mwakoro 10 bon ana kabanea n rongorongo Moronaai ao e kaairaki ma te kawai n ata koauan Ana Boki Moomon (Moro. 10:3–5).