Mareko
N te Nu Tetemanti, Ioane Mareko bon natin Maria, are e maeka i Ierutarem (Mwak. 12:12); tao bon ai tarin naba (ke ai natin) Barenaba (Koro. 4:10). E nako ma Bauro ao Barenaba mai Ierutarem ni moan mwanangaia ni mitinare ao e kitania i Bereka (Mwak. 12:25; 13:5, 13). I mwina ao e raona Barenaba nako Kubero (Mwak. 15:37–39). Bon raon Bauro i Rom (Koro. 4:10; Bire. 1:24), ao bon raon Betero i Bwaburon (tao i Rom) (1Bet. 5:13). N te kabane, bon raon Timoteo i Ebeto (2Tim. 4:11).
Ana Euangkerio Mareko
Te kauoua ni boki n te Nu Tetemanti. Ana euangkerio Mareko e katautauaki bwa e koreaki i an ana kairiri Betero. Oin te kantaninga iai bwa e na kabwarabwara te Uea ba Natin te Atua ae maiu ao e mwakuri i buakoia aomata. Mareko e kabwarabwara, ma te korakora ao te nanorinao, te namakin are e reke mai iroun Iesu irouia taan mataku. E taekinaki n te katei bwa i mwin maten Betero, Mareko e kawara Aikubita, e katea te Ekaretia i Arekanria, ao e mate bwa e tiringaki ibukin ana koaua.
Ibukin karinanin bwai aika riki i nanon maiun te Tia Kamaiu aika kabwarabwaraki n ana Euangkerio Mareko, tara Nakoraoin taian Euangkerio n te abentekiti.