Ninewe Tara naba Aturia; Iona N te O Tetemanti, kautun Aturia ao bon te tabo ni iokinibwai ae korakora i nanon ae riaon uabubua te ririki i mataniwin te karaanga are Taikiriti. E bwaka ngke e bwaka uean Aturia, 606 I.K. Tennakeriba, uean Aturia, e maeka i Ninewe, 2Uea 19:36. E kanakoaki Iona bwa e na takaruaea te rairannano n te kawa ae abwabwaki, Iona 1:1–2 (Iona 3:1–4). A raira nanoia kaain Ninewe, Iona 3:5–10. Kristo e kamanena Ninewe bwa te katooto ibukin te rairannano imataia Iutaia, Mat. 12:41.