Taeka ni Burabeti, Taetae ni Burabeti

Te taeka ni burabeti kanoana bon taeka ke koroboki aika karekeaki mai iroun te Atua, are e karekea te aomata rinanon te kaotioti mai iroun te Tamnei ae Raoiroi. Ana kakoaua Iesu bon tamnein te taeka ni burabeti (Kaoti. 19:10). Te taeka ni burabeti e kona ni kaineti nakon taai ake ngkoa, ngkai, ke taai aika na roko. Ngkana e taetae ni burabeti te aomata, e taekin ke e korea are e tangiria te Atua bwa e na ataia, ibukin ae raoiroi bon ibukina ke ae raoiroi ibukiia tabemwang. Aomata n tatabemania a kona ni karekea te taeka ni burabeti ke te kaotioti ibukin oin maiuia.