Uea
Booki aika uoua n te O Tetemanti. Booki aikai a karakina rongorongon Iteraera man ana kakaitara Atonia, ana kaaman n nati te mwaane te Uea ae Tawita (ni uakaan ma 1015Â I.K.), ni karokoa kabanean tautoronakin Iuta (ni uakaan ma 586Â I.K.). A kaairaki iai bwaninin rongorongoia abanuea ake i meang (ana baronga Iteraea ake tebwina) man kamaenakoakia ni karokoa are e anaia Aturia bwa taenikai nakon aaba ake i meang. Taraa naba Bairean Aron Taia n Riki n te Abentekiti.
Te Moan Uea
Mwakoro 1 e kabwarabwarai kabanean bongin maiun te Uea ae Tawita. Mwakoro 2–11 a taua mwiin maiun Toromon. Mwakoro 12–16 e taekinia taan onea raoi mwiin Toromon, Reoboam ao Ieroboam. Ieroboam e karika te bwenaua n abanuean Iteraera. Ueea ake tabeman a bon taekinaki naba. Mwakoro 17–21 e koreaki iai mwakoron nako ana mwakuri ni ibuobuoki Eria ngke e boa Aaba, uean Iteraera. Mwakoro 22 e koreaki iai buakanakin Turia ike Aaba ma Ieotiabwata, uean Iuta, a ikoti aia tanga ni buaka. Te burabeti ae Mikaia e taetae ni burabeti ni kaitaraia ueea.
Ka-uoua ni Uea
Mwakoro 1:1–2:11 e reita maiun Eria, ni ikotaki ma waeraken Eria nako karawa n te ka ae te ai. Mwakoro 2–9 e taekina ana mwakuri n onimaki Eritai ao korakoran mwaakana. Mwakoro 10 e taekina Iesu, te uea, ao e kanga ni kamauna ana auti Aaba ao ana ibonga Bwaara. Mwakoro 11–13 e koreaki iai ana tautaeka ae raoiroi Ioati ao maten Eritai. Mwakoro 14–17 e taekinaki iai uea aika kakaokoro ake a tautaeka i Iteraera ao Iuta, ao angin te tai i nanon te buakaka. Mwakoro 15 e koreaki iai tauakin ana baronga ake tebwina Iteraera iroun Aturia. Mwakoro 18–20 e koreaki iai maiun Etekia ae raoiroi, ae uean Iuta, ao te burabeti ae Itaia. Mwakoro 21–23 e taekiniia ueea aika Manate ao Iotia. N aron te katei, Manate e bon bukin taeka ibukin tiringan Itaia ibukin ana koaua. Iotia bon te uea ae raoiroi are e manga katea te tua i buakoia Iutaia. Mwakoro 24–25 e koreaki iai tautoronakiia i Bwaburonia.