Te reitaki mai iroun te Atua nakoia natina i aon te aonaba. Kaotioti a kona n roko rinanon Otan Kristo ao te Tamnei ae Raoiroi man ana kairiri te Tamnei, mi ni burabeti, taian mi, ke ni kawaraki irouia anera. Kaotioti a katauraoi kairiri ake a kona ni kairaki iai ake a kakaonimaki nakon te kamaiuaki are akea tokina n te abanuea ae te tiretio.
Te Uea e kaota Ana mwakuri nakoia Ana burabeti ao ni kamatoa nakoia taan kakoaua bwa kaotioti nakoia burabeti a bon koaua (Amota 3:7). Rinanon te kaotioti, te Uea e katauraoi kairiri teuana ma teuana ibukiia aomata ni kabane ake a ukoukoria ao are iai ana onimaki, e raira nanona, ao e ongeaba nakon ana euangkerio Iesu Kristo. “Te Tamnei ae Raoiroi bon te tia kaotioti,” e taku Iotebwa Timiti, ao “akea te aomata ae kona ni karekea te Tamnei ae Raoiraoi n akea kaotioti ae karekei.”
N Ana Ekaretia te Uea, te Moan Beretitentii ao te Koram n Abotoro n te Tengaun ma Uoman bon burabeti, taan mamata, ao taan kaotioti nakon te Ekaretia ao nakon te aonaba. Te Beretitenti n te Ekaretia bon ti ngaia are e a tia ni kariaia te Uea bwa e na karekea te kaotioti ibukin te Ekaretia (R&B 28:2–7). Aomata nako a kona ni karekea te kaotioti i bon irouna ibukin oin kabwaiana.