Mwakuri ni Ibuobuoki Tara naba Kamweraoi; Tangira Te tararua are anga ke te mwakuri ae karaoaki ibukin kabwaian te Atua ao tabemwang. Ngkana ti beku ibukiia tabemwang, ti beku naba ibukin te Atua. N te bong aei kam na rineia bwa antai ae kam na toro irouna, Iotua 24:15. Ngke kam karaoia baikai nakon temanna ae moan te mangori mai buakoia aikai, kam karaoi naba nakoiu, Mat. 25:35–45. Kam na anga rabwatami bwa te karea ae maiu, ae ami taromauri ae bwain te nano, Rom 12:1. Kam na i torotoro iroumi n te tangira, Kara. 5:13. Ko na beku ibukin Atuam ni kabanea bongin maium, 2Nib. 2:3. Ngkana kam beku ibukiia raom ao kam bon beku naba iroun Atuami, Mot. 2:17. Naake a bwaina te aba ni berita a riai n toro iroun te Atua ke a na taeaki nako, Ita 2:8–12. Ngkami ake kam rin i nanon te beku ibukin te Atua kam beku irouna ma nanomi ni kabane, R&B 4:2. Te Uea e angania tuua bwa aomata a na tangiria ao ni beku irouna, R&B 20:18–19. Ko na beku ibukin te Atua n aran Iesu Kristo, R&B 59:5. Ngai, te Uea, I kukurei ni karineia naake a beku irou, R&B 76:5. Taromauria te Atua, bwa ti ngaia ae ko na beku irouna, Mote 1:15.