Iuta, Natin Iakobwa
N te O Tetemanti, ana kaaman n nati te mwaane Iakobwa ma Rea (KB 29:35; 37:26–27; 43:3, 8; 44:16; 49:8). Iakobwa e kakabwaia Iuta bwa e na riki bwa te tia kairiri ae nakoraoi i buakoia natin Iakobwa mwaane ao bwa Tiro (Iesu Kristo) e na riki bwa kanoana (KB 49:10).
Ana baronga Iuta
Ana baronga Iuta e taua te kairiri i mwin maekaia i Kanaan. Oin aiana bon ana baronga Eberaim. Mote e kakabwaia ana baronga Iuta (TK 33:7). I mwin ana tautaeka Toromon, ana baronga Iuta e riki bwa abanuean Iuta.
Abanuean Iuta: N ana tai n tautaeka Reoboam ana tautaeka Toromon a bwenauaki nakon uoua abanuea aika kaokoro, oin rikina bon ibukin te bakantang i marenaia ana baronga Eberaim ao Iuta. Abanuea ake i maiaki, ke abanuean Iuta, a ikoti ana baronga Iuta ma angin ana baronga Beniamina. Ierutarem bon kautuna. N anga aika bati e teimatoa ni kakaonimaki riki n taromaurian Iehova nakon te abanuea are i meang. E aki kai niniaki ni buakanaki Iuta mai meang ao mainiku, ao te mwaaka are te kabanea ni korakora e tiku i nanon bain ana utu Tawita ni karokoa te tautoronaki i Bwaburonia. Te abanuea ae Iuta e tei i nanon 135 ririki i mwin bwakan abanuean Iteraera are mwaiti riki kaaina ao e mwaaka riki
Abanuean Iuta: N ana tai n tautaeka Reoboam ana tautaeka Toromon a bwenauaki nakon uoua abanuea aika kaokoro, oin rikina bon ibukin te bakantang i marenaia ana baronga Eberaim ao Iuta. Abanuea ake i maiaki, ke abanuean Iuta, a ikoti ana baronga Iuta ma angin ana baronga Beniamina. Ierutarem bon kautuna. N anga aika bati e teimatoa ni kakaonimaki riki n taromaurian Iehova nakon te abanuea are i meang. E aki kai niniaki ni buakanaki Iuta mai meang ao mainiku, ao te mwaaka are te kabanea ni korakora e tiku i nanon bain ana utu Tawita ni karokoa te tautoronaki i Bwaburonia. Te abanuea ae Iuta e tei i nanon 135 ririki i mwin bwakan abanuean Iteraera are mwaiti riki kaaina ao e mwaaka riki.
Ana kai Iuta
E kaineti aei nakon te Baibara ngkai rongorongon te bata are Iuta (Etek. 37:15–19). Ni boong aika kaitira, ngkana a ikoikotaki mwanga aika kakaokoro n te bata are Iteraea, aia rongorongo aika tabu a na ikoikotaki naba. Rongorongo ni koroboki aika tabu aikai a reitaki i marenaia ao a riki bwa te kakoaua ae katiteuanaki ae Iesu bon te Kristo, Atuan Iteraera ao Atuan te aonaba ni kabuta (ARIT, KB 50:24–36 [Abentikiti]; 2Nib. 3; 29).