Nakoaia Ibonga

Te boki n te O Tetemanti are taekini tabeia ibonga i Iteraera. E katuruturua tabun te Atua ao te tua are a kona ni mauakinna Ana aomata bwa a na riki n tabu. Te kantaninga ibukina bwa e na reirei tuan aroaro aika riai ao koaua n te aro ao ana tua Mote rinanon waakin botaki. Mote e korea te boki are Nakoaia Ibonga.

Mwakoro 1–7 e kabwarabwarai otenanti n anga karea. Mwakoro 8–10 e kabwarabwara wakin botaki are e karaoaki ni katabuakia ibonga. Mwakoro 11 e kabwarabwara bwa tera ae kona ke ae aki kona ni kanaki ao tera ae itiaki ke e aki itiaki. Mwakoro 12 e maroroakinia aine i mwin bungia; Mwakoro 13–15 bon tua aika irekereke ma te aki itiaki nakon botaki. Mwakoro 16 kanoana bon waakin botaki aika a na karaoaki ni Bongin te Mwakuri ni Kamaiu. Mwakoro 17–26 kanoana bon bairean tuua aika tabe ma katein te aro ao te botanaomata. Mwakoro 27 e kabwarabwara bwa te Uea e tua nakon Iteraera bwa a na katabui kaai n amwarake, nanai ni mannikiba, ao nanai ni man nakon te Uea.