Iai uaeka aekaia aomata i karawa ake aranaki bwa anera: naake bon tamnei ao naake iai rabwataia te iriko ao te ri. Anera ake tamnei a tuai reke rabwataia te iriko ao te ri, ke bon tamnei ake iai ngkoa rabwataia ae mamate ao a tataningaa te mangauti. Anera ake iai rabwataia te iriko ao te ri a tia ni mangauti man te mate ke a bitaki rabwataia.
A mwaiti bwaai aika a kaineti ni koroboki aika tabu nakon aia mwakuri anera. N tabetai anera a taetae ma te bwanaa ae te baa ngkana a nikiri ana rongorongo te Atua (Mot. 27:11–16). Aomata aika maiu n rabwata aika raoiroi a kona naba n aranaki bwa anera (ARIT, KB 19:15). Tabeman anera a beku ni katobibia ana kaintokanuea te Atua i karawa (Aram. 36:22).
Koroboki aika tabu a taekini naba ana anera te riaboro. Aikai bon tamnei ake a ira Rutibero ao a teweaki nako mai matan te Atua n te maiu i mwain te maiu n rabwata ao a tewenakoaki nako aon te aonaba (Kaoti. 12:1–9; 2Nib. 9:9, 16; R&B 29:36–37).