Bwana Tara naba Kaotioti N aron kabonganakina ni koroboki aika tabu, n tabetai bon te rongorongo ae ko na ongo are taekinaki iroun te Uea ke Ana tia uarongorongo. Bwanan te Tamnei e kona naba n ae ko aki ongo ao e kaineti nakon te nano ke te iango. Atam ao Ewa a ongo bwanan te Uea ae te Atua, KB 3:8 (Mote 4:14). Te Uea e taetae nakon Eria n te bwana ae maraara n rau, 1Uea 19:11–13. Aomata aika raoiroi a irira bwanan te Tia Kawakin Tiibu, Ioane 10:1–16. Ane ana bwai te koaua ao e ongo bwanaau, Ioane 18:37. I ongeaba ni bwanaan te Tamnei, 1Nib. 4:6–18. E roko te bwana nakoiu ni kangai: Enoti, a na kabwaraki am bure, Enoti 1:5. Bon te bwana ae rau ae kororaoi bebetena ae e bon ninia nako te tamnei, Erem. 5:29–33 (3Nib. 11:3–7). E ngae man bon bwanaau ke bwanaan au tia mwakuri, bon titebo, R&B 1:38. Bwaai nako are a na taekinna ngkana a kairaki iroun te Tamnei are Raoiroi a na riki bwa koroboki aika tabu, R&B 68:2–4. Aomata nako ake a ongeaba nakon bwanaau a na noora ubu ao n ataia bwa bon iai Ngai, R&B 93:1.