Iotua
Te burabeti ao te tia kairiri n te O Tetemanti, ao te tia onea mwiin Mote. E bungiaki i Aikubita i mwain birinakoia tibun Iteraera (WI 14:26–31). Ngaia ma Kareba a mena i buakoia taan kareke rongorongo ake tengaun ma uoman ake a kanakoaki nako Kanaan. Ti ngaia ae anga te rongorongo ae raoiroi ibukin te aba (WI 13:8, 16–33; 14:1–10). E mate ngke rorona 110 (Iotua 24:29). Iotua bon te banna ae korakora ibukin te burabeti te tia buaka ae kakaonimaki.
Ana boki Iotua
Te boki aei e ingoanaki iroun Iotua ibukina bwa ngaia oin kaaina ao tiaki ibukina bwa ngaia te tia korea te rongorongo. Mwakoro 1–12 e kabwarabwara tauakin Kanaan; mwakoro 13–24 e taekinia ana baronga Iteraera ngke a tibwatibwa te aba ao ana kabanea n taeka n reirei Iotua.
Uoua kiibu aika rangi n ataaki n ana boki Iotua bwa bon ana tua te Uea nakoina bwa e na iangoi raoi koroboki aika tabu (Iotua 1:8) ao ana wewete Iotua nakoia aomata bwa a na kakaonimaki nakon te Uea (Iotua 24:15).