Aentaai-Nibwaai-Riaai Tara naba Amon, Natin Motiaea; Ereman, Natin; Motiaea, Natin N Ana Boki Moomon, te ara ae anganaki Reimwanaite ake a rairaki irouia natin Motiaea mwaane. I mwin rairakiia, aomata aikai, ake a aranaki naba bwa a na botanaomata Amon, a kakaonimaki i nanon maiuia (Aram. 23:4–7, 16–17; 27:20–27). A katokaa te ara ae Aentaai-Nibwaai-Riaai, Aram. 23:16–17; 24:1. A rawa ni kawawaea te raraa ao a taunii aia bwai ni buaka, Aram. 24:6–19. Natiia mwaane a katauraoi ibukin te buaka ao a rinea Ereman bwa aia tia kairiri, Aram. 53:16–19; 56–58 (naati mwaane aikai a ataaki naba bwa 2,000 taan buaka aika rorobuaka n ataeinimwaane).