Amen

Nanona bwa “e na riki anne” ke “ngaia anne.” Amen e taekinaki bwa kaotan butimwaena raoi ke butimwaeana man te nano ao boraoi iai (TK 27:14–26) ke te koaua raoi (1Uea 1:36). Ngkai n tokin taian tataro, kaoti koaua, ao maroro, naake a ongo te tataro ke te rongorongo a taekina amen ni kabaibati ni koatia bwa a boraoi iai ao a butimwaia.

Ni bongin te O Tetemanti, te aomata e na taekina amen ngkana e karaoa te taetae n tuea (1Rong. 16:7, 35–36; Neem. 5:12–13; 8:2–6). Kristo e aranaki bwa “te Amen, te tia kakoaua ae kakaonimaki ao e koaua” (Kaoti. 3:14). Amen e tei naba bwa te kanikina ibukin te berita ae tabu n aia Reirei Burabeti (R&B 88:133–135).