Katabua, Tuan te Anganano Tara naba Uean te Atua ke Abanuean Karawa; Botaki ni Katiteuanaaki Ni katabua, ni karaoia bwa e tabu, ke ni riki n raoiroi. Tuan te anganano bon te tua mai iroun te Atua ike mwaane ao aine anganano ni katabua aia tai, tarena, ao kaubwaia nakon katean ao karikirakean uean te Atua. Kareani ngkami n te bong aei nakon te Uea, Otin. 32:29. Ni kabane ake a onimaki a katiteboaki ni bwaai, Mwak. 2:44–45. A katiteboaki i marenaia, ngaia are a bon aki kaubwai ao aki kainnano, 4Nib. 1:3. Te Uea e kabwarabwarai tuan katabuan angabwai, R&B 42:30–39 (R&B 51:2–19; 58:35–36). E aki riai bwa temanna te aomata e na karekea ae e raka i aon temanna, R&B 49:20. Aomata nako a na anganaki tibwaia ni kaboraoaki ni kaineti ma aia utu, R&B 51:3. E kateaki te baire bwa aonga Aomata aika Itiaki ni boraoi n ana kabaebae nako bwain karawa ao te aonaba, R&B 78:4–5. A na titebo tibwangaia ni kabane aomata ni kaineti ma are a tangiria ao a kainanoia, R&B 82:17–19. Tion e ti kona ni kateaki man babaire n ana tua te tiretio, R&B 105:5. Ana aomata Enoka bon ti teuana nanoia ao teuana aia iango ao a maeka i nanon te raoiroi, ao bon akea ae e kainnano i buakoia, Mote 7:18.