Kaboaki

Ni kamaiua, ni kaboa, ke unoraia, n aron kainaomatakin te aomata man te tautoronaki ni kabwaka boona. Kaboaki e kaineti nakon Ana Mwakuri ni Kamaiu Iesu Kristo ao nakon te kamaiuaki man te bure. Ana Mwakuri ni Kamaiu Iesu e kaboia botanaomata ni kabaneia man te mate n rabwata. Rinanon Ana Mwakuri ni Kamaiu, naake iai aia onimaki irouna ao a raira nanoia a kaboaki naba man te mate n tamnei.

E a tia e Uea ni kaboa tamneiu mai moone, 2Nib. 1:15.
E na reke te kaboaki mai iroun te Mesia ae Tabu, 2Nib. 2:6–7, 26 (Mot. 15:26–27; 26:26).
A anenea kunan te tangira ni kabomwi, Aram. 5:9 (Aram. 5:26; 26:13).
Naake a buakaka a tiku n aroia ae titebo ma akea te kaboaki ae a tia ni karekea, Aram. 11:40–41 (Aram. 34:16; 42:13; Erem. 14:16–18).
Iesu Kristo e a tia ni kakoroa bukin kaboakin te aonaba, Moom. 7:5–7.
Mwaakan te kabomwi e roko nakoia aomata ni kabane ake a bon aki karekea te tua, Moro. 8:22 (R&B 45:54).