Onimakinan te bwai teuana ke temanna. N aron ae kamanenaki n angin te tai ni koroboki aika tabu, te onimaki bon onimakinan ao te mwioko iroun Iesu Kristo are e kaira te aomata bwa e na ongeaba irouna. Te onimaki e na boto iroun Iesu Kristo bwa e aonga ni kaira te aomata nakon te kamaiuaki. Aomata aika Itiaki ni boong aika kaitira iai aia onimaki naba iroun te Atua te Tama, te Tamnei ae Raoiroi, mwaakan te nakoanibonga, ao tabeua riki aroaro aika a kakawaki n te euangkerio ae tia ni kaokaki.
Te onimaki e irianaki ni kantaningan bwaai aika aki noraki, ma a bon koaua (Ebera 11:1; Aram. 32:21; Ita 12:6). Te onimaki e kauraki man ongoraeakinan te euangkerio are reiakinaki irouia taan tararua aika kariaiakaki aika kanakomaiaki iroun te Atua (Rom 10:14–17). Kakai aki karika te onimaki, ma te onimaki ae korakora e karikirakeaki man te ongeaba nakon ana euangkerio Iesu Kristo. N taekinana riki teuana, te onimaki e reke man te raoiroi (Aram. 32:40–43; Ita 12:4, 6, 12; R&B 63:9–12).
Te onimaki ae koaua raoi e uoti kakai, mi ni burabeti, mi, kamarurung, ao ni kabane Ana bwaintituaraoi te Atua are E anga nakoia Ana Aomata aika Itiaki. Man te onimaki te aomata e karekea kamaunaan ana bure ao n tokina e na kona ni maeka i matan te Atua. Akean te onimaki e kaira te aomata nakon te bwaranano, are e roko ibukin te bure (Moro. 10:22).