Bwai ni Kairi nakon Koroboki aika Tabu a kaoti reirei, tuua, aomata, ao taabo ake a rineaki aika kuneaki n te Baibara ae Tabu, Ana Boki Moomon, Reirei ao Berita aika Tabu, ao Te Baeao ae Bati Bona. E anga naba oin koroboki aika tabu ibukim ake a na taraki bwa ko na kamatebwai ibukin boto ni iango n tatabeua nako. Te Bwai ni Kairi aei e kona ni buokiko n am kamatebwai ni koroboki aika tabu i bon iroum ao n te utu. E kona ni buokiko ni kaekai titiraki i aon te euangkerio, boto ni iango ake a kamatebwaiaki ni koroboki aika tabu, ni katauraoi marooro ao reirei, ao ni karikirakea am atatai ao koaua n te euangkerio.