Warekaia Iteraera

Te kaaua ni boki n te O Tetemanti. Mote e korea te boki ae Warekaia Iteraera. Te boki ae Warekaia Iteraera e taekina karakinan mwanangan Iteraera man te Maunga are Tinai nakon aban Moaba aika aoraoi i aon tian Kanaan. Teuana te reirei ae kakawaki ae reirei bon are ana aomata te Atua a riai n nakonako n te onimaki, n onimakina Ana berita, ngkana a na waaki nako n tokanikai. E manga taekina katuaean Iteraera iroun te Atua ibukin ana aki ongeaba ao e katauraoi rongorongon aia tua tibun Iteraera. Aran te boki e reke man korakoran ware ni ware aomata (WI 1–2; 26).

Mwakoro 1–10 e taekina aia katauraoi I-Iteraera ibukin kitanan Tinai. Mwakoro 11–14 e kabwarabwara mwanangaia, ao kanakoaia taan uarongorongo nako Kanaan, ao rawan Iteraera n rin n te aba ni berita. Mwakoro 15–19 e koroi mwiin tua ao rongorongon bwaai aika riki. Mwakoro 20–36 bon rongorongon aia kabanea n ririki aomata n te rereua.