Rabwata, Rabwata ae Mamate Tara naba Aonaba; Bwakan Atam ao Ewa; Rabwata; Te Mate, n Rabwata Te tai are man bungiakim ni karokoa te mate n rabwata. Aio e aranaki n tabetai bwa te kauoua ni maeka. N te bong are ko amwarake mai iai ao ko na bon mate, KB 2:16–17 (Mote 3:16–17). N te mate e na okira te Atua te tamnei ao te rabwata e na okira tanon te aba, Min. 12:7 (KB 3:19; Mote 4:25). Tai kauea te bure i nanon rabwatami aika mamate, Rom 6:12. E na karina te aki mamate te mamate aei, 1Korin. 15:53 (Enoti 1:27; Mot. 16:10; Moom. 6:21). E na reke maiun te aomata aio bwa te tai ni kataaki, 2Nib. 2:21 (Aram. 12:24; 42:10). E bwaka Atam bwa aonga ni maiu aomata, 2Nib. 2:25. Kam taratara ma te kantaninga n noora te rabwata aio ae mamate ae kateirakeaki nakon te aki maamate, Aram. 5:15. Te maiu aei bon te tai ni katauraoi ni kaitibo ma te Atua, Aram. 34:32. Tai maaka te mate, bwa kukureimi e aki bwanin n te aonaba aei, R&B 101:36. Naake a kawakina kauouan maekaia a na karekea te mimitong, Abe. 3:26.