Riaai, Taman Nibwaai

N Ana Boki Moomon, te I-Ebera ae te burabeti are e kaira ana utu ao taan iria mai Ierutarem nakon te aba ni berita n aonon te aonaba ake mai maeao n uakaan ma 600 I.K. Riaai bon te moan burabeti i buakoia ana botanaomata n Ana Boki Moomon.

Riaai e birinako mai Ierutarem ma ana utu ngke e tuangaki iroun te Uea (1Nib. 2:1–4). Bon kanoan Iotebwa, are e kabonakoaki nako Aikubita (1Nib. 5:14). Te Uea e anganna te mii ni burabeti ibukin te kai ni kamaiiu (1Nib. 8:2–35). Riaai ma natina mwaane a kaba te kaibuke ao a borau nakon aonon te aonaba ake mai maeao (1Nib. 17–18). Ngaia ma kanoana a tiku ni maeka n te aba ae boou (1Nib. 18:23–25). I mwain matena, Riaai e kakabwaiaia natina ao e reireinia taekan Kristo ao karokoan Ana Boki Moomon ni boong aika kaitira (2Nib. 1:1–4:12).